- Բոլորն են ասում, որ ընդմիջում եմ վերցրել, բայց այդպիսի բան չկա. աշխատանքիս մեջ ընդմիջում չի եղել: Ես աշխատել եմ ու չի եղել տարի, որ ընդհանրապես նոր տեսահոլովակներ չներկայացնեմ: Հիմնականում ընդմիջումը Հայաստանում համերգային գործունեություն չծավալելու առումով էր` հաշվի առնելով, որ հանդիսատեսն արդեն սովոր էր, որ տարին երկու անգամ համերգներ էի ունենում, բայց զուտ ֆիզիկապես և այլ խնդիրների պատճառով տեղի չունեցավ Սամանտա Ջեյդի հետ նախատեսված համերգը: Ինքս արդեն խաչ եմ քաշել այդ ծրագրի, այդ համերգի վրա և մտածել եմ, որ պետք է անել նորը:
"Անդրենալինը" ավելի շուտ պիտի լիներ, բայց թոքաբորբիս պատճառով ձգձգվեց: Երևի ավելի հասուն եմ դարձել: Եթե անկեղծ լինեմ, ավելի կտրուկ փոփոխություն կանեի, բայց այս ձայնասկավառակը պարունակում է տարբեր ոճեր և հարմար է թե° այն լսարանին, որը սիրում է իմ նախկին երգերը, և թե նրանց, ում նոր եմ բացահայտել: Կարելի է ասել` ոճիս և երգերիս հանդեպ իմ անձնական մոտեցումն է փոխվել: "Անդրենալինը" շատ առումներով արտացոլում է իմ այժմյան հոգեվիճակը:
Ձայնասկավառակում ընդգրկված իմ հեղինակած երգերի գաղափարը վաղուց ունեի, պարզապես կարծում էի, որ աշխատանքս թերի է; Ընդհանրապես միշտ շատ խիստ եմ վերաբերվել իմ երգերին, ինքս ինձ: Երգերիս նոր ոճը կապված է նաև գործիքավորման հետ, ինչի համար, իհարկե, շնորհակալ եմ Նիկ Եգիբյանին:
- "Անդրենալինի" գաղափարը ծնվեց 2006թ. Վազգեն Սարգսյանի անվան մարզադաշտում մենահամերգիս ժամանակ, երբ ուղղաթիռից իջա և հարցրի` արդյոք բոլորի՞ <անդրենալինն> է բարձր: Սկզբում երաժշտությունը գրեցի, հետո դիմեցի երգիչ Սերգեյ Գրիգորյանին, ով էլ գրեց երգի անգլերեն տարբերակը: Այդ ժամանակ դեռ վստահ չէի` այն հաջողություն կունենա՞, թե՞ ոչ: <Անդրենալինը> նախատեսված է ժամանակակից երիտասարդների համար, ովքեր էլ ինձ ոգեշնչել են ստեղծագործելիս:
- Ե՞ րբ ես պատրաստվում վաղուց խոստացված մենահամերգով ներկայանալ հայ հանդիսատեսին:
- Պատրաստվում եմ դրան, քանի որ իսկապես վիրավորական է, որ ԱՄՆ-ում տեղի է ունեցել <Անդրենալինի> շնորհանդեսն ու համերգը, իսկ Հայաստանում` միայն շնորհանդեսը: Անպայման Երևանում կունենամ մենահամերգ: Դեռ անցյալ տարի էի ծրագրել մենահամերգս, բայց թոքաբորբի պատճառով հետաձգեցի: Կարծում եմ` այս մարտին կլինի: Ավելի լրջորեն եմ պատրաստվում դրան, թեև միշտ էլ շատ բծախնդիր եմ եղել այդ հարցում: Նոր բեմադրություններ, նոր հագուստներ են լինելու, որոնց մեծ մասը իմ մտահղացումն է, այսինքն` կրկին կփորձեմ յուրահատուկ լինել. խոստանում եմ իմ մյուս համերգներից տարբերվող մենահամերգ ունենալ:
- Դեռ անցյալ խոստացված մենահամերգիդ մասնակցելու էր նաև Սամանտա Ջեյդը: Ի՞ նչն էր պատճառը, որ այն այդպես էլ չկայացավ և որոշեցիր խաչ քաշել վրան:
- Պատճառը կազմակերպիչներն էին, որոնց հետ մեր համագործակցությունն ուղղակի չստացվեց: Այսինքն` խաչ եմ քաշել ոչ թե Սամանտայի, այլ Հայաստանում նախատեսված նախագծի վրա, որը բավականին ծախսատար էր: Այդ դեպքում միայն մեկ երգի համար չէի կարող նրանց թիմին այդքան մեծ գումարներ վճարել, թեև մեծ աշխատանք էր տարվել, և ամեն ինչ գրեթե պատրաստ էր, բայց ստիպված էի ընդմիշտ խաչ քաշել այդ ամենի վրա: